منتديات الملوك - مبروك يا سمل

النفس تأبي الا أن تقف انتباها لخطوات هذا الشاب - عبد الرحمن سمل - خطا بيننا مبدعا ورائدا من رواد العمل الاجتماعي فوضع بصماته المنحوتة نحتا في منتدانا .. والآن خطا خطوة خالها خاصة به ولكنها لنا جميعا فالفرحة فرحتنا قبله والسرور سرورنا بخطوبته الميمونة وعقبال الزواج يا نكهة منتدياتنا ... مشاعري ألحت عليّ فأطعتها بهذه الخاطرة أهديها لأخي الحبيب عبد الرحمن محمد عثمان سمل ...

أفراح وتهاني

ود سمل الهمـام غمَـرَتنا فـرحة عميقة

فرّت توبها فوقنا فرَحْنا أضحى حقيقة

عريسنا زعيم اصيل حاشاهو ما تلتيقة

وبت العم كمان من اسرة سامية عريقة

****

ليك يا ود سمل الكل صحـــاب و رفاقا

بي طيب معشرك و بي روحك الدفاقة

أسد في الشدة بلسـم في زمان الفاقة

تسلم يا زعيم من أي شــر أو عاقة

****

ان فرحـــوا الأهل دا عشان عزيز اتأهّل

وان فرحــــوا الرفاق دا بدر سماهم هلْ

انت الناس جميع عــــن فرحتك تسـأل

عشان شخصك كريم واسمك زعيم الكل

****

مبروك يا سمل و مبروك معاك للأسرة

خطوبة اليوم ونفرح بي زواجك بكرة

زواج ميمون وعيشة تكون ثبات في سُترة

و في سعدك تسير لا هم طريق لا عترة

****

الشيــــخ ابــراهيم . ليك التحايـا نديّة

وللأســــرة الكريمة معـــاكا الف تحيـة

أبشر شيخنــــا .. نحن معاكا وقفة قويــة

ما غايـــب أحــــد لا أســـرة لا جمعيــــة

****

الجاييــــك زعيـــم بيناتنا ليهـو مكانـة

في كل المهــــام بالهمـــة روح ريّــانة

يوم ما دس روحـــو و لينا قال فترانة

يجيك للخــــدمة تو زي طلقة الجبخانة

عمك احمد ادريس عبيدون
الرياض 11مايو 2010م

[/center][/size][/SIZE]