سد مروي الانجاز الوهمي

[align=center]

المشاركة الأصلية كتبت بواسطة ginawi 2

بسم الله الرحمن الرحيم

ايها الاخوة نعم ان سد مروي انجاز وهمي وهو صرح فاشل لانجاز وهمي واحتيال............ وطهرت الحقيقة المرة وهو انك لاتجني من الشوك العنب فان السد بدأ في التصدع وبدات المولدات الصينية في اظهار محاسنها ومبدا الرخيص برخصتو وبدات القطوعات في العاصمة القومية بصورة حادة نظرا لرداءة اجهزة التوليد وطبعا بدا الغبار في الانقشاع والحقيقة المرة في التكشف وطبعا نظرا لان المسؤولين عن السد لجأو للصين الزوج العرفي للسودان لكي يجربوا فينا تقنيتهم الفاشلة ...............بالجد كانت جابت شركات روسية نظرا للخبرة الكبيرة لهم في هذا المجال ولكن نظرا لانو الروس مابيدوا المسؤول قروش عشان كدا احسن ليهم راجلهم الصيني والي لقاء اخر وحنشوف كتير ونسمع اكتر

ياراجل هى المعارضة بى قروش!!!
بس قول كلام غير دا
وعلى العموم الاستاذ حاتم اوفى كحقائق تدحض كلما ذهبت اليه
وان شئت فلى المذيد عنك ..... وعن السد الذى لن تستطيع ان تفترى عليه
ولك شكرى[/align]

[align=center]لك التحية الأخ قناوي
بعدين سمعنا بأن كهرباء سد مروي وصلت الحبشة وحتوصل السعودية كمان بس المشكلة في الكيبل البحري قبل يومين المدن الكبري تعيش في ظلام دامس أحتفالا بدخولها للشبكة ولا شنو يا خوانا ,, عموما ثقافة أنقطاع التيار الكهربائي تعتبر ديناصورية في السعودية مع أنة لا يوجد نيل ولانخيل صدقتو ولا نديكم كضبة تانية ,,,,
لكم الود[/align]

الاخ عائد
كلامك مابيهمني لاني انسان متعلم تعليم عالي ومافي حقيقة اتذكرت انت وسدك دا علي العموم انت عندك سوبر جنريتور في البيت عشان كدا الكهرباء عندك في وماهاميك الا مصلحتك الشخصية وانا امثالك من المنتفعين مابخاطبهم وشكرا علي المرور انت وسدك

وعلي فكرة اخ عايد العلقو علي الموضوع 11 والمعارصين فقط اثنين انت وصحبك فهل كل هؤلاء كذابين وانت وصحبك الصادقين الحقيقة المرة بتقول انك انسان عايش وعندك كهرباء خاصة عشان كدا ماحاسي بعامة الناس وطبعا امثالك كثار من الباعو زممهم لمصالحهم الشخصية المهم اكيد ناس السد جروا لرجالهم في الصين عشان يصلحوهو بسرعة وياريت كمان خليهم يجيبو جيش صيني يحمي اجواء وحدود البلاد لانو ناسكم مانفاعين وشكرا ليك مرة تانية انت وسدك

[align=center]نرجوا من ادارة
المنتدى تثبيت هذا الموضوع
الكل يريد ان يعرف الحقيقه والكل يريد
مصلحة الوطن ولو لا اختلاف الآراء لبارة السلع
اخونا قناوي 2
قد رأى بعض المشاكل بالسد وطرح هذا الموضوع
لتحل هذه المشاكل ولكن من غير تجريح لا حد المسؤولين
ولا داعى لذكر اسماء 00 اشكرك جدا لأثارة هذا الموضوع الهادف
اخونا حاتم عبدالمنعم
اشكرك جدا على هذه المعلومات
الوافيه عن تبعات السد من جسور وطرق
ومشاريع زراعيه و00000ونرجوا من الذين يعرفون معلومات
عن هذا السد ايجابيه او سلبيه ان تطرح هنا للنقاش عسى ولعلها
تقع فى عين احد المسولين ويصلح ما يستطيع اصلاحه او تزيده حماسه
ويكون المستفيد هو الشعب كله

تحياتى لكم جميعا [/align]

يا امة دايرين نرسي علي بر ............

[align=center]

المشاركة الأصلية كتبت بواسطة حاتم عبدالمنعم

[align=justify]الأخ العزيز / قناوى 2 لك التحية والتقدير , وانا لا اتفق معك فى هذا الحكم المتسرع على سد مروى بأنه انجاز وهمى , وفى تقديرى انك لن تستطيع ان تحكم بذلك حتى مستقبلا وذلك للأسباب الآتيه :
سد مروى له اغراض متعدده فأذا لاقدر الله حدث اخفاق فى تحقيق احد هذه الأغراض قد يعوض فى مجال آخر بمعنىان هذا السد صمم للرى والكهرباء والثروة السمكيه من البحيره , بجانب ان هناك مشاريع مصاحبه للسد ما كان لها ان تنجز بهذه السرعه لولا وجود السد وهذه المشاريع الآن قائمه وموجوده وليست وهميه ( مطار مروى , كبرى الصداقه كريمه مروى , كبرى السليم دنقلا , طريق كريمه دنقلا , كبرى شندى المتمه , كبرى الدامر ام الطيور , طريق عطبره مروى ) ولا زالت البقيه فى الطريق ( مستشفى مروى , القريه السياحيه , طريق كريمه ناوا , كوبرى الدبه , كلية مروى التقنيه ) . وسواء كان سد مروى او غيرها من المشاريع لا ينبغى ان ننسبها لزيد او عبيد من الناس ولكنها مشاريع تحققت بفضل الله وعونه وينبغى ان نتعلم منها ونستفيد من الدروس والتجارب ولا زال طريق التنميه شاق وطويل .
الصين لها باع طويل وتجارب كبيره فى مجال السدود آخر احصائيه فى مجال السدود اوضحت بأن جملة السدود الكبيره المشيده فى العالم بلغت حوالى45000 ( خمسه واربعون الف ) سد نصف هذا العدد موجود فى الصين , اى ان الخبرات الصينيه تعتبر الأولى على مستوى العالم , ومع ذلك ارى انك قد اخطأت لأن التوربينات والمولدات الخاصه بسد مروى قام بتنفيذها شركة الستوم الفرنسيه وليست شركه صينيه , شركة ccmd الصينيه هى التى قامت بتنفيذ الأعمال المدنيه بجسم السد , كما قامت بتنفيذ الخط الناقل شركة hpe الصينيه , اما الإستشارى فهو شركة لامير الألمانيه , وقد وضع التصميم الأولى للسد معهد هيدروبروجكت الروسى نفس المعهد الذى وضع تصميم السد العالى , ومن هنا نلاحظ ان سد مروى حظى بتجارب دول عديده لها سمعتها العالميه فى المجال الهندسى بصفه عامه .
نعم اقيم احتفال كبير ببداية التوليد , ولكن من ناحيه فنيه لا زالت هذه التوربينات تحت الإختبار الذى سيكتمل بصوره نهائيه فى 15/5/2009 , وبعد هذا التاريخ سيتم التسليم النهائى والرسمى بين وحدة تنفيذ السدود والهيئه القومية للكهرباء . ومن الطبيعى ان تحدث بعض الإشكالات خلال فترة الإختبار . [/align]

الاخ قيناوي نعم
التاريخ له حق علينا لذلك يجب عليك انت ان تثبت للتاريخ مشاكل التصميم في السد
او ان ترد فقط بكل تفاصيل على ما كتب حاتم ( وهذا حقنا في المنتدى لا نتنازل عنه )
فالرجل اثبت انك كذاب هيا دافع عن نفسك و عنا كشعب مسطح.
تجاهل الجميع لكن رد على ما كتب حاتم (امكن بكذب علينا )[/align]

اسلوب جديد لايساعد ابدا في خلق جو صحي معافي يقود الي مافيه الخير...

عنف في ابدا الراي وعنف اكثر في الرد ، بلا اي تقدير للاخرين رواد المنتدي ...

اين صرنا والي اين تقودنا ( زحمة الاتهامات ) ومحاولات التمترس حول حقيقة ( انا ) اعي اكثر منك..

حرام والله ان يتطاول بعضنا علي بعض وفي ماذا في.... رأي...

يااخي رايك مقبول مادام لم يصدم مشاعر رواد المنتدي في حدة الاسلوب وقلة مراعاة شعورنا...

قل مابدالك فقط لاتصدمني بالفجاجة في ابدأ الراي...

ورايك مقدس ومحترم حتي وان اختلفنا ...

وان غابت عليك هذه الحقائق فانظر الي مرآة ذاتك وحاسبها قبل ان تتبدي الينا بحروف جافة وقاسية...

والموضوع...راي... نختلف ونتفق حوله فاين الود والاحترام...

والي الجميع احترامي

الاخ معاوية محي الدين
اولا الاخ حاتم لم يثبت بانني كذاب وانا طرحت موضوع للنقاش الهادف لا لطرح تعليقات علي شخصي وانا بحب اقول ليك حاجات مهمة توليد الكهرباء عن طريق التوربينات المائية دا تخصص اثري وما داير ليهو حاجة والاثبات علي اني صادق القطوعات المستمرة بالايام في المدن الثانية والمشاريع الانتو قلتوها دي كلها والصين ما اول دولة في العالم في تصنيع السدود وياريت يذكر لي مثال واحد من ال 45000 الف سد ديل وعملتهم لياتو دولة بالظبط الحاجة المعروفة السد العالي روسي مية بالمية ثانيا الروس ما بيدوا تصميم من غير حق تنفيذ انا عايش معاهم بعرفهم كويس شديد والسد العالي هة سد ترابي بيعتتمد تقنية ضغط التراب اما السد المعمول في السودان دا سد خرصاني والنوع دا من السدود الضاربة دا صيني زي ما الحكومة صينية وثانيا انا ما بعرف التوربينات المستخدمة هي صينية ولا فرنسية لكن المعلومة المؤكدة انة المولدات فور توصيلها بالشطبة القومية للكهرباء ضربت والله الفرنسيين تصنيعهم ما ردئ للدرجة دي ثالثا المعهد العمل السد العالي ما كان روسي كان سوفيتي فمن اين جبت تسمية المعهد دي والمعهد الانت بتككلم عنو كان واقع في عهد الاتحاد السوفيتي وفي دولة اوكرانيا اسمو جامعة خاركوف التقنية الاوكرانية فارجو انة الناس تكون صححت معلوماتها من غير كلمة كذاب ومنافق احنا طرحنا موضوع لمعرفة الحقيقة وهي لماذا انو السودانين دايما عندهم مشاكل حتي في مشاريعهم القومية رغم ان بلدنا عنية ومن حقنا زي دول العالم انة يكون عندنا علي الاقل كهرباء من غير منة من احد ودا حق لكل مواطن لا رجاء منة من احد ولا فضل فية لاحد اما بالنسبة لتسييس كلامي وتحويلة لنقد رخيص فالكلاب تعوي والقافلة تسير

يا اخواني السلام عليكم ورحمة الله
اولا اشكر كل الذين ساهموا في هذا الموضوع , من فتح نقاش وطرح مواضيع واضافة ردود ومساهمات يستفيد منه الجميع ولكن الشىء المحير كل واحد يريد اين يكذب الاخر ومافي واحد يتقبل الاخر بصدر رحب , ولكن نرجو ان ننوه الي اننا نريد الحقيقة , وعليه نشكر الاخ قناوي علي طرحه لموضوع السد ونقول له يااخي تسميتك لهذا السد بالوهمي غير صحيح لان السد شىء واضح ومحسوس امام ناطر الجميع , ولكن ممكن تسميه فاشل او ليس بالمواصفات المطلوبة او او او او .